انا اتطلقت وخدوا منى عيالى

السلام عليكم ياللى اكتر من اهلى واخواتى وحبايبي يااعز ناس عندى في الدنيا احمد الله مل السموات والارض انه رزقنى بيكم مهما اقول في حقكم مش هاوفيه انكم تسالوا عليا وتهتموا بيا في اشد اوقاتي للحاجه عن حد يقف جمبى انا مش فرحانة لاني عمري ما فرحت بس الاحساس العظيم اللى حاساه اكبر من الفرح ميتوصفش اقول ايه ليكم غير ان الله يتقبل منى كل اللي بدعيه ليكم في ظهر الغيب وربنا ما يحرمكم من اى حد بتحبوه وما يكتب عليكم ابدا اى شئ من االلى انا فيه يارب ما يجرح ليكم قلب وﻻ تحزنوا ابدا مش قادرة اكتب كل الكلام اللى جوايه ليكم الشكر قليل عليكم كل البنات واحدة واجدة اولهم امى ام امير وباقي البنات كلهم سامحونى عنيا من كتر البكا مدغدشة
الله يخليكم كلكن كل الاسامى الموجودة في الرد

انا باختصار شديد قريت كل الردود انا مخليتش حد من اهل زوجى مارحتش ليه واهلى اهل زوجى اخوه الكبير قالى اعمله ايه اروح اضربة قلمين دا راجل والتانى قالى الكلام اللى بتقوليه تطير فيه رقاب والحاجات دى متحصلش عندنا رحت لكبير عيلتهم قالى يابنتى دى مواضيع خاصة محدش يتكلم فيها غير اهلك واهلك هما السبب انهم سابوكى
ونصيحة منى متقوليش اى شئ وحش عن امك ﻻن دى تتعايري بيه انتى وعيالك والكلام اللى حصل من صاحب جوزك ده بلاش تقوليه لاهل جوزك انتى اللى هتتفضحى
غير انه بيقول انا اول مرة اسمع كدة اول مرة الحاجات دى تحصل عمري كله مسمعتش كدة



كلمت عمى الكبير كبير العيلة قال نفس الكلام ليه محدش مصدقني كله يقول عشت قليل وكتير مسمعتش ان حد عمل في مراته كده او ان ام ممكن تكره عيالها كده
طب ياعمﻻ انت كبير عيلتنا شوفي حل قالى مقدرش معاكى اخوات رجالة والعرف بيقول هما صحاب الحق في التصرف وامك ست قادرة محدش قدها
تانى حاجة دي فضايح تفضحنا كلنا احنا قبل جةزك ولو الكلام ده اتسرب سمعتك انتى اللى هتضر محدش هيصدق انه تطاول عليكى هيطلعوكى انك انك انتى وحشة وعملتى حاجة معاه وجوزك مش هيسبك انك تفضحيه ويسكت هما دول كبار البلد اللى كنت عشمانة فيهم يساعدونى اللى يقول دى مواضيع خاصة منقدرش نتكلم فيها واسرار بيوت واللى طلعنى غلطانة عشان فشيت سر بيتى وجوزى وفضحته واللى مكدبنى في كل حاجة وكله يقول مفيش ام كده انتى بتتبلى على امك حرام عليكى



سالت شيخ الجامع قال سيبيه وسيبي عياله من ترك شيئا لله عوضه الله خيرا منه وامك اصبري عليها حتى لو كافرة

عمى الكبير عنده 70سنة قال ارميله عياله وسيبيه يغور في 60 داهيه بكرة عيالك يكبروا ويعرفوا طريق امهم ويجولك وامك ده نصيبكم واتعودتوا عليه هتروحوا منها فين وانتى متربتيش اللى مسكتك ومقعدك معاه ملعون ابو العيال وامك ايه يعنى كل الحريم ﻻزم تربي البنات وتكون شديدة معاهم عشان عيارهم ميفلتش وﻻ انتوا عاوزين انتى واخواتك تمشوا على حل شعركم محدش يلمكم

وكلام كتير الخلاصة كله سابنى محدش عاوز يساعدنى مش كدة وبس قالوا لجوزى مراتك بتشكى منك وطلعت سرك وفضحتك قدامنا دول قرايبه
انا بلدى قرية نائية ومتخلفة محدش عندنا بيروح محاكم اللي بنته عندها مشكله مع جوزها ابوها يحلها ليها او يطلقها وهيه معززززززززززززة مكرمة في بيت اهلها
كل ام واب واخ عاملين كرامة لبناتهم جوزها ميقدرش يدوس ليها على طرف تبقي قعدة عرب ويتحاسب قدام كل الناس
الا انا واخواتى البنات امنا ضيعت كل حقوقنا ورخصتنا
انا من قرية مفيهاش قسم شرطة فيها نقطة شرطة فيها كام عسكرى وشاويش
جوزى مش من المحافظة ولا المدينة نفسها ﻻ دى مركز من مراكز المحافظة كل الناس عارفة بعضها والسلاح منتشر والتار وحوادث التار كل عيله ليها خصومة مع التانية والحكومة بتخاف تيجى عندنا لما الكبار سددوها في وشي عملت غلطة انى رحت المركز ابلغ عنه من ضيقتى راح مخبر اول مدخلت وعرف انى مرات فلان رن عليه بالتليفون وجابه وجوزى عطاهم رشوة هوه وباقي المخبرين وامناء الشرطة ومعملوش محضر وﻻ حاجه وقالهم ميجبوش سيرة قدام اي حد من البلد عشان سمعته وعطاهم فلوس كتيرة خالص ومخدرات
خدنى على البيت دخلنى ورمانى وفضل يشتم فيا ويضرب يا بنت ال......... على الزمان انا تشتكيني في المركز انا تجرسينى انا تقلي قيمتى وامه واخواته اتلموا عليا شتيمة واهانة واخواته البنات ساكنين جمبنا جوا خدوا فيا نصيب وكل واحد بكلمته وجرجرنى هيودينى بيت اهلى قولت ادينى عيالى قال عيال ايه عمرك ماهتشوفيهم تانى مرضيتش اطلع وامه تجر فيه وتقول ارميها بنت ال ....... وانا بكرة اجوزك ست ستها وطيت بوست رجله قولت اخد عيالى شدنى من شعرى وكلهم يضربوا فيا وعيالى واقفين على السلم يصرخوا عليا منظر ربي ما يوريه لحد انتوا مستغربين من رد الفعل العنيف ده انا مهما اشرح ليكمانا مقدرة اختلاف البلاد بينى وبينكم الصعيد الجوانى ليه تقاليد مختلفة غير مصر كلها وبالذات القري الصغيرة يمكن محدش يصدق ان في جهل موجود لغاية دلوقتى بس موجود كل حاجة تتخيلوها من التخلف والجهل والعصبية القبلية بتاعت العائلات كل عيلة شايفة انها احسن من التانية اهم شئ المنظر قدام الناس عشان كدة اغلب الاراء بتاعتكم مش هتنفع انا عارفة ان حكايتﻻ معقدة من كل جانب هيه كان ممكن ليها حل لو مع اى حد تانى من البلد برضه بس انا اختلف ليه ﻻن نصيبي وقدري في ام انا بعتبر ان الزمان مجبش زيها يمكن في في مصر زيها انما الصعيد ﻻء الام هنا رمز لكل حاجة حلوة ومحترمة الا امى عشان كدة اغلب الناس اللى عرفوا مشكتلتى سواء قرايبي اواهل بلدى المقربين ليا مندهشين ومش مصدقين اللى هيا بتعمله والرد اللي دايما بسمعه من زمان سواء انا او اخواتى البنات حتى قبل ما نتجوزوا كلنا ما باليد حيلة احنا عاجزين قدامكم نفسنا نساعدكم بس هيا واقفة في وشنا ست عندة قسوة وجبروت وافتراء
هيا حكايتها طويلة مش وقتها بس تعرفوا انها مش من الصعيد دى من محافظة تانية ومتعلمة واخدة معلمين تعادل دلوقتى كلية التربية وسنها 50سنة لسة صغيرة وشباب بابا شافها وحبها وصمم يتجوزها هيه كانت كاه وكارهة انها تعيش في الصعيد نكدت عليه عيشته ومن ماتولدنا مسودة حياتنا عشان كدة هيه مختلفة عن باقي ستات القرية ياريت كانت امى جاهلة ﻻتعرف تقرا وﻻ تكتب الناس حسدينا عليها تعليم واناقة وشياكة ولسان حلو محدش يعرف حقيقتها دى شيطانة
اعذرونى انا بتوه كتير وكلامى ملخبط كله في بعضة
اه افتكرت اهل جوزى واخدين الموقف ده ﻻن في نظرهم دى عيبة كبيرة ان مرات ولدهم تروح المركز تبلغ عنه الناس تعايرهم وتنقص من قيمتهم ورجولتهم حتى الحريم كل واحدة بتتفاخر بعيلتها قدام ناس جوزها عشان كده انا في نظرهم عملت جريمة بالنسبة لاهلى انا بقي برضة انا عملت جريمة ﻻن انا كدة موتهم بالحيا ومفيش فيهم رجالة تاخد لي حقي لما انا اروح للحكومة تاخد حقي والناس تعايرهم ياللى ما فيكم راجل وحريمكم بتروح المركز طبعا اللي يروح المركز يبلغ عن خناقة او اى حاجة يبقي ضعف بيه وقلة حيلة ﻻزم الواحد ياخد حقه بايده عشان كده حوادث الثار منتشرة حتى الان انا بقول ده كله عشان تفهموا الوضع
المهم بفس العباية هيه هيه اتجرجرت وخدنى في عربيته وودانى البلد واول ما دخل الدوار بتاع العيلة احنا بيوت جمب بعض جوه دوار كبير وله باب حديد كبير خالص المهم راح على بيتنا وزعق ولم اعمامى قدام البيت واخواتى الرجالة هما 2 كبار فوق ال30سنة والصغير عنده26 سنة نزلوا ورمانى لهم وقال بنتكم اهى راحت تبلغ عنى واللى تعمل كدة يبقي ملقتش اهل يربوها هيا طالق ومتلزمنيش مدام عيشتي مش عجباها
اخدت نفس العلقة من اولاد اعمامى الصغيرين واخواتى الكبار من غير ما يفهموا اخويا الصغير الوحيد خدنى منهم وحمانى بجسمه اول مرة يعمل حاجة كويسة طول عمره ضعيف وجبان وسلبي زيي بالظبط انا استغربت ووقف لجوزى واتخانق معاه وقاله دى ستك والتراب اللى بتمشي عليه ب10 زيك ولو جبت سيرتها تانى اقطع لسانك جوزى مكنش متوقع ان حد من اهلى هيفتح بقه وانه كدة بعملتى دى كسر عينهم دخل عربيته هوه مش بيمشي من غير سلاح ابدا جاب البندقية بتاعته وبيهدد بيها اخويا الصغير
اعمامى الكبار فضلوا يعتذروا ليه ويهدوه احنا برضه معانا سلاح حطينه جوه المضيفة دخل اخويا الصغير وجاب برضة بندقية وسحب الاجزاء المعدنية بتاعتها وخد الطلقة وقله انت بتهددنى في مكانى امشي لاجيب اجلك وحريم اعمامى تصرخ من فوق البيوت وبالعافية دخلوا جوزى العربية ومشي
اللى شوفته انا واخويا بعد كده من امى واعمامى اخواتى الكبار انتى هتجيبي مصيبة انت هتوقعي الناس في بعض واخويا اخواته ضربوه وبهدلوه انت عايز تجيب لنا تار واختك الغلطانة واتخيلوا انتوا باقي اللى حصل ده الشخص الوحيد اللى وقف جمبي اتبهدل كدة من امتى انت راجل امتى طلعلك صوت وغيره
جوزى سلط 2 من صحابه الفاسدين راحوا اشتكوا اخويا بالاتفاق مع المخبرين انه اعتدى عليهم بالضرب وعوروا نفسهم وعملوا تقرير طبي ودلوقتى اخويا مطلوب للحكومة وتعملتلوا قضية وهيتحكم عليه فيها لو الاتنين دول متنازلوش عن المحضر واخواتى مرضيوش يرفعوا ليه محامى بتسليط من امى لان امى لما بابا كان تعبان عيا الموت عمل لها توكيل راحت باعت لنفسها كل حاجة بيع وشرا بحجة ان احنا كنا صغيرين وخافت عمامى ياخدوا الارض والاملاك بعد بابا ما يموت ولحد الان كل شئ تحت سيطرتها
بصوا الموضوع طويل واللى حصل معايا كتير مش هينفع احكى كل حاجة انتوا مالكمش ذنب تقروا دا كله
المختصر اني دلوقتى اتطلقت وخدوا عيالى وجوزى عطينى مهله 15 يوم انى ارجع ورجلى فوق رقبتى لو عايزة عيالى لا اما هيتجوز ومش هشفوهم باقي عمري
امى حبستنى في اوضة جمب المواشي وجابت لي هدوم سودة عشان البسها وكانت عايزة تقص ليا شعري وعاملة عليا حرب نفسية بتجيب عيال اخواتى قدامى عشان افتكر عيالى وعايزانى ارجع لجوزى بكل الطرق هيه بتحبه اسفة للى بقوله هيه بتعشقه وبتحبه كانت نفسها تتجوز واحد زيه في شخصيته وشكله ده واضح من تصرفاتها ودفاعها عنه متنامش بالليل غير لما تكلمه وتسمع صوته واول ما تصحى ترن تسمع صوته تعمل له كل الاكل اللي بيحبه عاوزة ترضيه بكل الطرق لحد مبقت مكشوفة باين عليها وده برضة موضوع تانى يعنى هيه مش هتسكت غير لما ترجعنى ليه
هيه صاحبة فكرة المحضر بتاع صحاب جوزى انا ارجع هما يتنازلوا واخويا صعبان عليا متجوز ومعاه 3بنات اتنين توام عندهم شهور والتانية صغيرة ومراته اخر غلب في الدنيا واخدين بعض عن حب ومتعاطفة معايا غير حريم اخواتى التانينن اللى بيرموا عليا بالكلام ووحشين وسبحان الله كل واحدة معاها ولدين وبيعايروا مرات اخويا الصغير بخلفة البنات بكت وقالتلى انا عارفة انه اخوكى وواجب يقف جمبك بس انا وبناتى مش حمل امك وبهدلتها فينا كمان هيا من اسرة فقيرة على قد حالهم خالص واخويا اتحدى البيت كله واتجوزها وعايش معاها في البيت القديم بتاع المواشي والطيور والخبيز عقابا ليه انا محتارة مش عايزة اشيل ذنبهم




الخلاصة


انا رميت حمولي علي الله وبصلي استخارة ليا 6ايام طول اليوم واقرا قران وذكر صليت استخارة بنية الرجوع لجوزى او عدم الرجوع واللى يعمله ربنا يكون
انا مش طالبة منكم غير الدعاء برضه ليا وبس
انا عارفة ان مشكلتى حلها في واحد بس هوه ربنا هوه العالم واللي شايف واللى مطلع
وعارفة ان محدش بايده حاجة يعملها ليا انا ذات نفسي مقدرتش اعمل لروحى حاجة كل الطرق والحلول الممكنة والغير ممكنة جربتها
مسبتش حد الا لما سالته اهل العلم والدين والخبرة وحتى الطب سوقت على جوزى كل الناس الي قدرت انه يديني عيالي ويتجوز براحته رفض
حتى ورثي ممعيش ورق بيه قسيمة جوازى والقايمة امى مدياهم لجوزى من اول الجواز وﻻ ينفعوﻻ اقدر اعمل خلع اوارفع قضية اخد عيالى
من ناحية التقاليد اللى قولت لكم عليها وﻻ ينفع اهرب البنت اللي تهرب عندنا كل البلد قريب وغريب يدوروا عليها ويجبوها وﻻ زم تموت مش بيبلغوا الحكومة عنها وبتموت وتدفن قدام اهل البلد عشان ناسها يقدروا يرفعوا راسهمعشان القري برضة بتمسك سيرة القري التانية وبيعايروا بعض ان من بلدكم واحدة هربت وراحت مصر تشتغل فى الحرام هما اللى تهرب مهما كان السبب غي نظرهم ﻻاما حد اغتصبها او عايزة تمشي في الحرام ودى ملهاش غير نهاية واحدة الموت بس اعرف واحدة اختفت سنة فضلوا يدوروا عليها لحد ماجبوها وبعد ما دفنوها ضربوا نار اهلها وزغرتوا الستات والبلد كلها راحت تبارك ليهم



انا بعتذر تانى وتالت على التطويل انا يابنات في حالة مش عارفة اوصفها معنديش اى احساس نهائي باى حاجة فاضية من جوا وحالة ﻻ مبالاة شديدة وتوهان انا مش انا دموعى نشفت يمكن دى الحاة اللى بيقولوا عليها سارقاها السكينة حسة ان مخى اتشل من كتر التفكير


ساعات اقعد باليوم كله ﻻاكل وﻻشرب مفيش جوع او عطش او حتى اروح الحمام مفيش وباصة قدامى زى التمثال حتى عينى مش ترمش اختى الكبيرة تدخل تكلمنى مردش انا توهت جدا جدا دخلت عليا مرات اخويا الكبير تشمت فيا فجاة لقيت نفسي هجمت عليها اشد في شعرها واصرخ صرخات ورا بعض من غير كلام واقولها عيالك دول اللي بتغظيني بيهم هاموتهملك وجريت عايزة اضرب الولد طبعا صرخت وجريت جابت جوزها وفي الاخر عرفت ان الست المحترمة امى هيا اللى مسلطاها تغيظنى عشان تثبت للناس ان عندى حالة نفسية وان جوزى مش غلطان عليا اخواتى البنات لما عرفوا كدة اتخانقوا مع مرات اخوهم وامى وضربوها وشدوا امى من شعرها وكانت فضيحة والجيران حريم اعمامى اتلموا وكده امى بينت للناس ان احنا بنات مش مؤدبين وانتوا افهموا الباقي اخواتى البنات خدوا علقة نص موتة من اخوهم بعصايا رفيعة هما مطلقين برضة زى حالاتى
وبرضة دول ليهم قصة تانى



اقول ايه احكى ايه بالذمة اللى انا فيه وعايشة فية ده ايه مين يتحمل نار جوزى وﻻ جهنم امى وبيت ابويا ومرات اخواتى
الغلبان مداس بالجزم والوحش هوه اللى دايما منصور

انا مكسوفة منكوا خالص بس مش هاكتب تانى حاسة انى بدايق البنات بالمرار بتاعي وهما بيدخلوا المنتدى يفكوا عن روحهم شويه محدش ناقص يشيل هم غيره كل البنات فيها اللى مكفيها



اخر طلب بس هو الدعاء بشدة حتى الاسبوع اللى جاى بس لحد ما ربنا يعمل فيا اللى يريده
انا تحت امره وبين ايديه بس ربي انا تعبت انت ﻻ تكلف نفسا اﻻ وسعها وانا والله ربي اتعبت وتدمرت من كل جانب ربي عايزة ارتاح حتى لو الموت راحة موتنى
ربي انت العالم بيا ارحمنى ربي هل ده ابتلاء ام ﻻ قدر الله غضب منك ان الله اذا احب عبدا ابتلاه طب انا في بلاء وﻻ غضب
مشفتش حد حصل ليه اللى بيحصلي مرة واحدة كله مع بعضة بس الحمد الله يمكن انا احسن من غيرى كتير برضه انا معلمش الغيب فيه ايه يارب الراحة يارب
ربي ان لم يك بك غضب عليا فلا ابالى
والسلام عليكم ورحمة الله وبركاته

السلام عليكم ياللى اكتر من اهلى واخواتى وحبايبي يااعز ناس عندى في الدنيا احمد الله مل السموات والارض انه رزقنى بيكم مهما اقول في حقكم مش هاوفيه انكم تسالوا عليا وتهتموا بيا في اشد اوقاتي للحاجه عن حد يقف جمبى انا مش فرحانة لاني عمري ما فرحت بس الاحساس العظيم اللى حاساه اكبر من الفرح ميتوصفش اقول ايه ليكم غير ان الله يتقبل منى كل اللي بدعيه ليكم في ظهر الغيب وربنا ما يحرمكم من اى حد بتحبوه وما يكتب عليكم ابدا اى شئ من االلى انا فيه يارب ما يجرح ليكم قلب وﻻ تحزنوا ابدا مش قادرة اكتب كل الكلام اللى جوايه ليكم الشكر قليل عليكم كل البنات واحدة واجدة اولهم امى ام امير وباقي البنات كلهم سامحونى عنيا من كتر البكا مدغدشة
الله يخليكم كلكن كل الاسامى الموجودة في الرد
انا باختصار شديد قريت كل الردود انا مخليتش حد من اهل زوجى مارحتش ليه واهلى اهل زوجى اخوه الكبير قالى اعمله ايه اروح اضربة قلمين دا راجل والتانى قالى الكلام اللى بتقوليه تطير فيه رقاب والحاجات دى متحصلش عندنا رحت لكبير عيلتهم قالى يابنتى دى مواضيع خاصة محدش يتكلم فيها غير اهلك واهلك هما السبب انهم سابوكى
ونصيحة منى متقوليش اى شئ وحش عن امك ﻻن دى تتعايري بيه انتى وعيالك والكلام اللى حصل من صاحب جوزك ده بلاش تقوليه لاهل جوزك انتى اللى هتتفضحى
غير انه بيقول انا اول مرة اسمع كدة اول مرة الحاجات دى تحصل عمري كله مسمعتش كدة
كلمت عمى الكبير كبير العيلة قال نفس الكلام ليه محدش مصدقني كله يقول عشت قليل وكتير مسمعتش ان حد عمل في مراته كده او ان ام ممكن تكره عيالها كده
طب ياعمﻻ انت كبير عيلتنا شوفي حل قالى مقدرش معاكى اخوات رجالة والعرف بيقول هما صحاب الحق في التصرف وامك ست قادرة محدش قدها
تانى حاجة دي فضايح تفضحنا كلنا احنا قبل جةزك ولو الكلام ده اتسرب سمعتك انتى اللى هتضر محدش هيصدق انه تطاول عليكى هيطلعوكى انك انك انتى وحشة وعملتى حاجة معاه وجوزك مش هيسبك انك تفضحيه ويسكت هما دول كبار البلد اللى كنت عشمانة فيهم يساعدونى اللى يقول دى مواضيع خاصة منقدرش نتكلم فيها واسرار بيوت واللى طلعنى غلطانة عشان فشيت سر بيتى وجوزى وفضحته واللى مكدبنى في كل حاجة وكله يقول مفيش ام كده انتى بتتبلى على امك حرام عليكى
سالت شيخ الجامع قال سيبيه وسيبي عياله من ترك شيئا لله عوضه الله خيرا منه وامك اصبري عليها حتى لو كافرة
عمى الكبير عنده 70سنة قال ارميله عياله وسيبيه يغور في 60 داهيه بكرة عيالك يكبروا ويعرفوا طريق امهم ويجولك وامك ده نصيبكم واتعودتوا عليه هتروحوا منها فين وانتى متربتيش اللى مسكتك ومقعدك معاه ملعون ابو العيال وامك ايه يعنى كل الحريم ﻻزم تربي البنات وتكون شديدة معاهم عشان عيارهم ميفلتش وﻻ انتوا عاوزين انتى واخواتك تمشوا على حل شعركم محدش يلمكم
وكلام كتير الخلاصة كله سابنى محدش عاوز يساعدنى مش كدة وبس قالوا لجوزى مراتك بتشكى منك وطلعت سرك وفضحتك قدامنا دول قرايبه
انا بلدى قرية نائية ومتخلفة محدش عندنا بيروح محاكم اللي بنته عندها مشكله مع جوزها ابوها يحلها ليها او يطلقها وهيه معززززززززززززة مكرمة في بيت اهلها
كل ام واب واخ عاملين كرامة لبناتهم جوزها ميقدرش يدوس ليها على طرف تبقي قعدة عرب ويتحاسب قدام كل الناس
الا انا واخواتى البنات امنا ضيعت كل حقوقنا ورخصتنا
انا من قرية مفيهاش قسم شرطة فيها نقطة شرطة فيها كام عسكرى وشاويش
جوزى مش من المحافظة ولا المدينة نفسها ﻻ دى مركز من مراكز المحافظة كل الناس عارفة بعضها والسلاح منتشر والتار وحوادث التار كل عيله ليها خصومة مع التانية والحكومة بتخاف تيجى عندنا لما الكبار سددوها في وشي عملت غلطة انى رحت المركز ابلغ عنه من ضيقتى راح مخبر اول مدخلت وعرف انى مرات فلان رن عليه بالتليفون وجابه وجوزى عطاهم رشوة هوه وباقي المخبرين وامناء الشرطة ومعملوش محضر وﻻ حاجه وقالهم ميجبوش سيرة قدام اي حد من البلد عشان سمعته وعطاهم فلوس كتيرة خالص ومخدرات
خدنى على البيت دخلنى ورمانى وفضل يشتم فيا ويضرب يا بنت ال......... على الزمان انا تشتكيني في المركز انا تجرسينى انا تقلي قيمتى وامه واخواته اتلموا عليا شتيمة واهانة واخواته البنات ساكنين جمبنا جوا خدوا فيا نصيب وكل واحد بكلمته وجرجرنى هيودينى بيت اهلى قولت ادينى عيالى قال عيال ايه عمرك ماهتشوفيهم تانى مرضيتش اطلع وامه تجر فيه وتقول ارميها بنت ال ....... وانا بكرة اجوزك ست ستها وطيت بوست رجله قولت اخد عيالى شدنى من شعرى وكلهم يضربوا فيا وعيالى واقفين على السلم يصرخوا عليا منظر ربي ما يوريه لحد انتوا مستغربين من رد الفعل العنيف ده انا مهما اشرح ليكمانا مقدرة اختلاف البلاد بينى وبينكم الصعيد الجوانى ليه تقاليد مختلفة غير مصر كلها وبالذات القري الصغيرة يمكن محدش يصدق ان في جهل موجود لغاية دلوقتى بس موجود كل حاجة تتخيلوها من التخلف والجهل والعصبية القبلية بتاعت العائلات كل عيلة شايفة انها احسن من التانية اهم شئ المنظر قدام الناس عشان كدة اغلب الاراء بتاعتكم مش هتنفع انا عارفة ان حكايتﻻ معقدة من كل جانب هيه كان ممكن ليها حل لو مع اى حد تانى من البلد برضه بس انا اختلف ليه ﻻن نصيبي وقدري في ام انا بعتبر ان الزمان مجبش زيها يمكن في في مصر زيها انما الصعيد ﻻء الام هنا رمز لكل حاجة حلوة ومحترمة الا امى عشان كدة اغلب الناس اللى عرفوا مشكتلتى سواء قرايبي اواهل بلدى المقربين ليا مندهشين ومش مصدقين اللى هيا بتعمله والرد اللي دايما بسمعه من زمان سواء انا او اخواتى البنات حتى قبل ما نتجوزوا كلنا ما باليد حيلة احنا عاجزين قدامكم نفسنا نساعدكم بس هيا واقفة في وشنا ست عندة قسوة وجبروت وافتراء
هيا حكايتها طويلة مش وقتها بس تعرفوا انها مش من الصعيد دى من محافظة تانية ومتعلمة واخدة معلمين تعادل دلوقتى كلية التربية وسنها 50سنة لسة صغيرة وشباب بابا شافها وحبها وصمم يتجوزها هيه كانت كاه وكارهة انها تعيش في الصعيد نكدت عليه عيشته ومن ماتولدنا مسودة حياتنا عشان كدة هيه مختلفة عن باقي ستات القرية ياريت كانت امى جاهلة ﻻتعرف تقرا وﻻ تكتب الناس حسدينا عليها تعليم واناقة وشياكة ولسان حلو محدش يعرف حقيقتها دى شيطانة
اعذرونى انا بتوه كتير وكلامى ملخبط كله في بعضة
اه افتكرت اهل جوزى واخدين الموقف ده ﻻن في نظرهم دى عيبة كبيرة ان مرات ولدهم تروح المركز تبلغ عنه الناس تعايرهم وتنقص من قيمتهم ورجولتهم حتى الحريم كل واحدة بتتفاخر بعيلتها قدام ناس جوزها عشان كده انا في نظرهم عملت جريمة بالنسبة لاهلى انا بقي برضة انا عملت جريمة ﻻن انا كدة موتهم بالحيا ومفيش فيهم رجالة تاخد لي حقي لما انا اروح للحكومة تاخد حقي والناس تعايرهم ياللى ما فيكم راجل وحريمكم بتروح المركز طبعا اللي يروح المركز يبلغ عن خناقة او اى حاجة يبقي ضعف بيه وقلة حيلة ﻻزم الواحد ياخد حقه بايده عشان كده حوادث الثار منتشرة حتى الان انا بقول ده كله عشان تفهموا الوضع
المهم بفس العباية هيه هيه اتجرجرت وخدنى في عربيته وودانى البلد واول ما دخل الدوار بتاع العيلة احنا بيوت جمب بعض جوه دوار كبير وله باب حديد كبير خالص المهم راح على بيتنا وزعق ولم اعمامى قدام البيت واخواتى الرجالة هما 2 كبار فوق ال30سنة والصغير عنده26 سنة نزلوا ورمانى لهم وقال بنتكم اهى راحت تبلغ عنى واللى تعمل كدة يبقي ملقتش اهل يربوها هيا طالق ومتلزمنيش مدام عيشتي مش عجباها
اخدت نفس العلقة من اولاد اعمامى الصغيرين واخواتى الكبار من غير ما يفهموا اخويا الصغير الوحيد خدنى منهم وحمانى بجسمه اول مرة يعمل حاجة كويسة طول عمره ضعيف وجبان وسلبي زيي بالظبط انا استغربت ووقف لجوزى واتخانق معاه وقاله دى ستك والتراب اللى بتمشي عليه ب10 زيك ولو جبت سيرتها تانى اقطع لسانك جوزى مكنش متوقع ان حد من اهلى هيفتح بقه وانه كدة بعملتى دى كسر عينهم دخل عربيته هوه مش بيمشي من غير سلاح ابدا جاب البندقية بتاعته وبيهدد بيها اخويا الصغير
اعمامى الكبار فضلوا يعتذروا ليه ويهدوه احنا برضه معانا سلاح حطينه جوه المضيفة دخل اخويا الصغير وجاب برضة بندقية وسحب الاجزاء المعدنية بتاعتها وخد الطلقة وقله انت بتهددنى في مكانى امشي لاجيب اجلك وحريم اعمامى تصرخ من فوق البيوت وبالعافية دخلوا جوزى العربية ومشي
اللى شوفته انا واخويا بعد كده من امى واعمامى اخواتى الكبار انتى هتجيبي مصيبة انت هتوقعي الناس في بعض واخويا اخواته ضربوه وبهدلوه انت عايز تجيب لنا تار واختك الغلطانة واتخيلوا انتوا باقي اللى حصل ده الشخص الوحيد اللى وقف جمبي اتبهدل كدة من امتى انت راجل امتى طلعلك صوت وغيره
جوزى سلط 2 من صحابه الفاسدين راحوا اشتكوا اخويا بالاتفاق مع المخبرين انه اعتدى عليهم بالضرب وعوروا نفسهم وعملوا تقرير طبي ودلوقتى اخويا مطلوب للحكومة وتعملتلوا قضية وهيتحكم عليه فيها لو الاتنين دول متنازلوش عن المحضر واخواتى مرضيوش يرفعوا ليه محامى بتسليط من امى لان امى لما بابا كان تعبان عيا الموت عمل لها توكيل راحت باعت لنفسها كل حاجة بيع وشرا بحجة ان احنا كنا صغيرين وخافت عمامى ياخدوا الارض والاملاك بعد بابا ما يموت ولحد الان كل شئ تحت سيطرتها
بصوا الموضوع طويل واللى حصل معايا كتير مش هينفع احكى كل حاجة انتوا مالكمش ذنب تقروا دا كله
المختصر اني دلوقتى اتطلقت وخدوا عيالى وجوزى عطينى مهله 15 يوم انى ارجع ورجلى فوق رقبتى لو عايزة عيالى لا اما هيتجوز ومش هشفوهم باقي عمري
امى حبستنى في اوضة جمب المواشي وجابت لي هدوم سودة عشان البسها وكانت عايزة تقص ليا شعري وعاملة عليا حرب نفسية بتجيب عيال اخواتى قدامى عشان افتكر عيالى وعايزانى ارجع لجوزى بكل الطرق هيه بتحبه اسفة للى بقوله هيه بتعشقه وبتحبه كانت نفسها تتجوز واحد زيه في شخصيته وشكله ده واضح من تصرفاتها ودفاعها عنه متنامش بالليل غير لما تكلمه وتسمع صوته واول ما تصحى ترن تسمع صوته تعمل له كل الاكل اللي بيحبه عاوزة ترضيه بكل الطرق لحد مبقت مكشوفة باين عليها وده برضة موضوع تانى يعنى هيه مش هتسكت غير لما ترجعنى ليه
هيه صاحبة فكرة المحضر بتاع صحاب جوزى انا ارجع هما يتنازلوا واخويا صعبان عليا متجوز ومعاه 3بنات اتنين توام عندهم شهور والتانية صغيرة ومراته اخر غلب في الدنيا واخدين بعض عن حب ومتعاطفة معايا غير حريم اخواتى التانينن اللى بيرموا عليا بالكلام ووحشين وسبحان الله كل واحدة معاها ولدين وبيعايروا مرات اخويا الصغير بخلفة البنات بكت وقالتلى انا عارفة انه اخوكى وواجب يقف جمبك بس انا وبناتى مش حمل امك وبهدلتها فينا كمان هيا من اسرة فقيرة على قد حالهم خالص واخويا اتحدى البيت كله واتجوزها وعايش معاها في البيت القديم بتاع المواشي والطيور والخبيز عقابا ليه انا محتارة مش عايزة اشيل ذنبهم
الخلاصة
انا رميت حمولي علي الله وبصلي استخارة ليا 6ايام طول اليوم واقرا قران وذكر صليت استخارة بنية الرجوع لجوزى او عدم الرجوع واللى يعمله ربنا يكون
انا مش طالبة منكم غير الدعاء برضه ليا وبس
انا عارفة ان مشكلتى حلها في واحد بس هوه ربنا هوه العالم واللي شايف واللى مطلع
وعارفة ان محدش بايده حاجة يعملها ليا انا ذات نفسي مقدرتش اعمل لروحى حاجة كل الطرق والحلول الممكنة والغير ممكنة جربتها
مسبتش حد الا لما سالته اهل العلم والدين والخبرة وحتى الطب سوقت على جوزى كل الناس الي قدرت انه يديني عيالي ويتجوز براحته رفض
حتى ورثي ممعيش ورق بيه قسيمة جوازى والقايمة امى مدياهم لجوزى من اول الجواز وﻻ ينفعوﻻ اقدر اعمل خلع اوارفع قضية اخد عيالى
من ناحية التقاليد اللى قولت لكم عليها وﻻ ينفع اهرب البنت اللي تهرب عندنا كل البلد قريب وغريب يدوروا عليها ويجبوها وﻻ زم تموت مش بيبلغوا الحكومة عنها وبتموت وتدفن قدام اهل البلد عشان ناسها يقدروا يرفعوا راسهمعشان القري برضة بتمسك سيرة القري التانية وبيعايروا بعض ان من بلدكم واحدة هربت وراحت مصر تشتغل فى الحرام هما اللى تهرب مهما كان السبب غي نظرهم ﻻاما حد اغتصبها او عايزة تمشي في الحرام ودى ملهاش غير نهاية واحدة الموت بس اعرف واحدة اختفت سنة فضلوا يدوروا عليها لحد ماجبوها وبعد ما دفنوها ضربوا نار اهلها وزغرتوا الستات والبلد كلها راحت تبارك ليهم
انا بعتذر تانى وتالت على التطويل انا يابنات في حالة مش عارفة اوصفها معنديش اى احساس نهائي باى حاجة فاضية من جوا وحالة ﻻ مبالاة شديدة وتوهان انا مش انا دموعى نشفت يمكن دى الحاة اللى بيقولوا عليها سارقاها السكينة حسة ان مخى اتشل من كتر التفكير
ساعات اقعد باليوم كله ﻻاكل وﻻشرب مفيش جوع او عطش او حتى اروح الحمام مفيش وباصة قدامى زى التمثال حتى عينى مش ترمش اختى الكبيرة تدخل تكلمنى مردش انا توهت جدا جدا دخلت عليا مرات اخويا الكبير تشمت فيا فجاة لقيت نفسي هجمت عليها اشد في شعرها واصرخ صرخات ورا بعض من غير كلام واقولها عيالك دول اللي بتغظيني بيهم هاموتهملك وجريت عايزة اضرب الولد طبعا صرخت وجريت جابت جوزها وفي الاخر عرفت ان الست المحترمة امى هيا اللى مسلطاها تغيظنى عشان تثبت للناس ان عندى حالة نفسية وان جوزى مش غلطان عليا اخواتى البنات لما عرفوا كدة اتخانقوا مع مرات اخوهم وامى وضربوها وشدوا امى من شعرها وكانت فضيحة والجيران حريم اعمامى اتلموا وكده امى بينت للناس ان احنا بنات مش مؤدبين وانتوا افهموا الباقي اخواتى البنات خدوا علقة نص موتة من اخوهم بعصايا رفيعة هما مطلقين برضة زى حالاتى
وبرضة دول ليهم قصة تانى
اقول ايه احكى ايه بالذمة اللى انا فيه وعايشة فية ده ايه مين يتحمل نار جوزى وﻻ جهنم امى وبيت ابويا ومرات اخواتى
الغلبان مداس بالجزم والوحش هوه اللى دايما منصور
انا مكسوفة منكوا خالص بس مش هاكتب تانى حاسة انى بدايق البنات بالمرار بتاعي وهما بيدخلوا المنتدى يفكوا عن روحهم شويه محدش ناقص يشيل هم غيره كل البنات فيها اللى مكفيها
اخر طلب بس هو الدعاء بشدة حتى الاسبوع اللى جاى بس لحد ما ربنا يعمل فيا اللى يريده
انا تحت امره وبين ايديه بس ربي انا تعبت انت ﻻ تكلف نفسا اﻻ وسعها وانا والله ربي اتعبت وتدمرت من كل جانب ربي عايزة ارتاح حتى لو الموت راحة موتنى
ربي انت العالم بيا ارحمنى ربي هل ده ابتلاء ام ﻻ قدر الله غضب منك ان الله اذا احب عبدا ابتلاه طب انا في بلاء وﻻ غضب
مشفتش حد حصل ليه اللى بيحصلي مرة واحدة كله مع بعضة بس الحمد الله يمكن انا احسن من غيرى كتير برضه انا معلمش الغيب فيه ايه يارب الراحة يارب
ربي ان لم يك بك غضب عليا فلا ابالى
والسلام عليكم ورحمة الله وبركاته