أو

الدخول بواسطة حسابك بمواقع التواصل

#1

129127 عملية قلب مفتوح

بسم الله الرحمن الرحيم
الحمد لله يمن على عباده بمواسم الخير أفراحاً .. ويدفع عنهم بلطفه أسباب الردى شروراً وأتراحاً .. أحمده تعالى وأشكره شكراً يتجدد ويتألق غدواً ورواحاً .. وأشهد أن لا إله إلا الله وحده لا شريك له .. مبدع الكائنات أرواحاً وأشباحاً .. وأشهد أن نبينا محمداً عبد الله ورسوله .. رافع لواء الدين دعوة وإصلاحاً .. والهادي إلى طريق الرشاد سعادة وفلاحاً .. صلى الله عليه وعلى آله وصحبه خيار هذه الأمة تقىً وصلاحاً .. والتابعين ومن تبعهم بإحسان ما تعاقبت الليالي والأيام مساءً وصباحاً .. أما بعد :
يا أيها الذين آمنوا اتقوا الله وكونوا مع الصادقين ..
يا أيها الذين آمنوا اتقوا الله حق تقاته ولا تموتن إلا وأنتم مسلمون ..
يا أيها الذين آمنوا اتقوا الله ولتنظر نفس ما قدمت لغد واتقوا الله إن الله خبير بما تعملون ..
موضوعى النهاردة محتاج قلب كبير .. ايوه .. محتاجين قلوب صافية .. قلوب نقية ..
عاوزة نقطة السواد .. الحقد .. الكره .. البغضاء .. عاوزين نشيل كل دول من القلوب .. نشيل الحسد .. نشيل الغيبة والنميمة .. عاوزين قلوبنا تبقى زى السما الصافية .. مش عاوزين غيوم جوه القلوب ..
يا احفاد امهات المؤمنين .. يا عاشقات جنات رب العالمين ..
موضوعى النهاردة عن العفو .. عن التسامح .. عن السعادة ..
يعنى ايه اسامح الناس ؟
يعنى ايه اعفو عن الناس ؟
طيب ودول مالهم بالسعادة يا ماما أمل ؟؟
هقولك يا حبيبتى .. دلوقتى القلوب الصافية متعرفشى كره ولا غل ولا حسد ولا حقد ولا غيبة ولا نميمة ..
القلوب دى رادار مراقبة الانسان .. لو صلحت القلوب صلحت النفوس .. ولو فسدت القلوب فسدت النفوس ..
قال الله تعالى فى كتابه العزيز : " أفلم يسيروا في الأرض فتكون لهم قلوب يعقلون بها أو آذان يسمعون بها فإنها لا تعمى الأبصار ولكن تعمى القلوب التي في الصدور "
شوفى حبيبك النبى صلى الله عليه وسلم قال ايه : ألا وإن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب " .
وعن أنس عن النبي صلى الله عليه وسلم قال : " لا يستقيم إيمان عبد حتى يستقيم قلبه "
يبقى قلبك هوه اللى بيقودك لطريق الخير .. قلبك هوه المحصلة طوال السنين اللى فاتت واللى جاية .. هوه ده اللى هيقودك لطريق الجنة ..
شوفى حبيبك المصطفى صلى الله عليه وسلم قال ايه : " تعرض الفتن على القلوب كالحصير عوداً عوداً .. فأي قلب أشرها نكت فيه نكته سوداء .. وأي قلب أنكرها نكت فيه نكته بيضاء حتى تصير على أحد قلبين .. على أبيض مثل الصفاة فلا تضره فتنة .. والآخر أسود مرباداً لا يعرف معروفاً ولا ينكر منكراً " .
يبقى دلوقتى موضوعنا النهاردة عن القلوب البيضاء .. الصافية .. النقية .. المتسامحة .. الطيبة ..
مش القلوب السودة .. الحقودة .. اللى كلها شك وظنون وكره وبغضاء ..
انتى بقى نفسك يكون قلبك أبيض ولا أسود ؟!
نفسك تكون روحك طيبة .. نفسك نقية .. إنسانة متسامحة .. عفيفة .. طاهرة ..
يبقى أنتى وقتها حفيدة خديجة وأسماء وسمية .
يبقى دلوقتى .. عاوزين نفتح صفحات بيضاء .. صفحات نقية .. صفحات شعارها الحب مع التسامح ..
سامحى زميلتك فى الكلية .. سامحى زميلتك فى المنتدى .. سامحى جارتك .. سامحى أختك .. سامحى مامتك .. سامحى الناس ..
سامحى جوزك .. سامحى ولادك .. غلطة وعدت .. والدنيا خلاص لفت .. لسه قلوبنا تشيل الحزن والكره والبغضاء ..
ليه نفضل عايشين فى سواد .. ؟!
سامحى اللى ماتوا .. دول ماتوا .. بلاش الحقد .. وبلاش الكره ..
اطلبى ليهم الرحمة .. المغفرة ..
سامحى بنتك .. دى مهما كانت بنتك .. أيام وعدت .. ورجعت تانى فى حضنك ..
ربنا سبحانه وتعالى اعتبر العفو صدق بنتصدق بيها .. ففقد قال الله تعالى : " ويسألونك ماذا ينفقون قل العفو كذلك يبين الله لكم الآيات لعلكم تتفكرون "
ربنا سبحانه وتعالى امرنا كلنا ناخد العفو منهج فى حياتنا .. مبدأ فى دنيتنا ..
قال الله تعالى : " خذ العفو وأمر بالمعروف وأعرض عن الجاهلين "
وقبل الختام : ابنتى الغالية عاوزة ربنا سبحانه وتعالى يغفر ليكى .. يعفو عنك .. سامحى .. اعفى عن الناس ..
قال الله تعالى : " وليعفوا وليصفحوا ألا تحبون أن يغفر الله لكم والله غفور رحيم "
وقال أيضا فى سورة الشورى : " فمن عفا وأصلح فأجره على الله "
يعنى أيه أجره على الله .. ؟!
يعنى خلاص حقى راح .. خلاص اللى فات مات ؟؟!!
لاء .. اللى فات مش مات .. حقك مش راح .. حقك موجود .. هيرجعلك حقك وزيادة كمان ..
ربنا سبحانه وتعالى بيقولك لو عفوتى وسامحتى .. حقك هيبقى عندى .. ربنا سبحانه وتعالى بيقولك حقك عندى .. احفاد امهات المؤمنين .. عاشقات جنات رب العالمين ..
اخيرا وصلنا لنهاية موضوعنا .. ياترى مين عفا ؟؟
ومين سامح ؟؟
ومين شال السواد والكره من قلبه .. ؟؟!!
وأختم بحديث المصطفى صلى الله عليه وسلم عندما قال لأحد الصحابة رضى الله عنه : " ألا أدلك على أكرم أخلاق الدنيا والآخرة ؟ أن تصل من قطعك وأن تعطي من حرمك وأن تعفو عمن ظلمك "
وقال الله سبحانه وتعالى فى سورة آل عمران : " والكاظمين الغيظ والعافين عن الناس والله يحب المحسنين "
ها .. نويتى تسامحى ؟؟!!
قررتى تعفى عمن ظلمك ؟؟!!
يبقى بقيتى حبيبه ربك سبحانه وتعالى ..
أشوفكم على خير إن شاء الله تعالى مع قلوب مخلصة .. مع قلوب وفية .. مع قلوب متحابة .. مع قلوب صافية كصفاء ليلة نهار مشرقة ..







#2

افتراضي رد: عملية قلب مفتوح

كلام رائع يا قمراية جدا جدا
#3

افتراضي رد: عملية قلب مفتوح

جزاكِ الله خيراً
إظهار التوقيع
توقيع : لحن الوفاء
#4

افتراضي رد: عملية قلب مفتوح

جزاكى الله خيرا وبارك الله فيكى ..
#5
بارك الله فيكى وجزاكى الله خيراااااااااااااا حبيبة قلبى الغالية الأمل النابت

حفظكى الله ورعاكى وسدد خطاكى


قد تكوني مهتمة بالمواضيع التالية ايضاً
الموضوع كاتب الموضوع المنتدى
معلومات لكل من يريد عمل عملية الليزك مايا علي العيادة الطبية
لتحسن الايض و تسرع عملية نزول الوزن فلسطين طرق التخسيس وانقاص الوزن
كيف تعزز عملية حرق الدهون عن طريق الطعام؟ اماني 2011 العيادة الطبية
السرقة الحلال ( اسرقى قلب زوجك ) أميرة القصر الثقافة والتوجيهات الزوجية


الساعة الآن 11:37 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل