أو

الدخول بواسطة حسابك بمواقع التواصل

#1

افتراضي رواية فجاة ينتشر الحب البارت الثامن

ببيت ميرا وكاران


كانت ميرا واقفة قدام المراية تناظر حالها وتقول بينها وبين نفسها
: انا ليش هيك شو ساويت حتى يصير هيك فيني طيب ازا اجيت بقول لعمي واتطلق رح يزعل بس كمان لايمتا رح ظل صابرة عنجد تعبت وكاران كل ما حاولت اتقرب منه خطوة بيبعد مية خطوة ومو راضي يتغير وناظرت بخدها وكمان بيضربني بدون رحمة مع اني ما ساويت له شي صح هو مجبور على هالزواج بس انا شو ذنبي بهالشي بعدين ما كنت عارفة بس اتمنى يصير شي يخلصني على الاقل اتطلق من كاران بدون ما يزعل عمي ومجرد فكرة طلاقها منه خلتها ترفع ايدها وتقول
: يا رب سرع هاليوم وخليني ارتاح وشوف حياتي نحنا من البداية مو لبعض بترجاك يا رب خلي هاليوم يجي بسرعة ...... لكن ممكن يكون للقدر كلمة ثانية ما ندري
بعد شوي راحت عن المراة ورن موبايلها ردت

ميرا: اهلين ليندا
ليندا: اهلين فيكي كيفك
ميرا: منيحة الحمد الله وانتي
ليندا: الحمد الله ... سكتو شوي
ليندا: كاران موجود بالبيت
ميرا: لا بس ليش
ليندا: ولا شي فيني اجي لعندك
ميرا بابتسامة: اكيد حبيبتي فيك تجي بالوقت الي بدك ياه البيت بيتك
ليندا: يسلمو اوكي باي
ميرا: بايات

بس سكرت منها راحت طيران للمطبخ جهزت شي للضيافة ووصت الخدم وراحت على غرفتها لبست بنطلون جنز ماسك ابيض وبلوزة صفرا فاتحة مكتوب عليها بالاصفر غامق بدون اكمام شعرها تركته على راحته وحطت حلقات باللون الاصفر وحطت مكياج ثقيل عشان تخفي اثر ضربة كف كاران لها البارح خلصت ورشت عليها من العطر ونزلت

اجت ليندا واستقبلتها ميرا وحكو مع بعض ودردشو وسالت ليندا ميرا

ليندا: ميرا ليش حاطة مكياج ثقيل يعني انتي مشا الله عليك حلوة ومو بحاجة لهالمكياج الثقيل ليش حاطتيه ولا انسي اسفة على هالسؤال انسي
ميرا بتوتر ومو عارفة شترد: ولا شي بس حبيت احط هالمكياج وبس

ليندا بينها وبين نفسها ( مستعدة اقفز من اعلى طابق ازا ما كان هاد كف من كاران وهي حاولت تخفيه وتنهدت تنهيدة مسموعة )
ميرا: ليندا شو بك هيك شاردة وعم تتنهدي ليكون صاير شي
ليندا: لا حبيبتي مو صاير شي الحين اعذريني بدي روح
ميرا: لا خليكي كمان
ليندا: مرة ثانية وازا بدك ياني تعالي زوريني وقت ما بدك البيوت مو بعيدين عن بعض
ميرا: طيب☺
ليندا: طيب مع السلامة وانتبهي لحالك
ميرا: وانتي كمان


ودعت ليندا ميرا وهي طالعة من البيت التقت مع كاران وهو داخل حتى ما سلمت عليه طنشته وكملت طريقها وحتى هو كمان ما اهتم وكمل طريقه للداخل


بقصر راجنات وبغرفة سيما

بعد ما اجت ليندا وفاتت لغرفتها وبعد شوي فاتت لعندها اختها سيما

سيما: ليندا
ليندا: شو
سيما: بخصوص موضوع خطبة مهند لي ابن صديق البابا ما بعرف بس حاسة اني مو مرتاحة وفي شي جواتي بيمنعني من الموافقة
ليندا: وليش جاية تخبريني روحي قولي للبابا انو انتي مو موافقة اكيد ما رح يزعل منك وهنن كمان ما رح يزعلو
سيما: طيب باخد برايك وبنزل اقول لبابا
ليندا: طيب

نزلت سيما وقالت لابوها انو موافقة عالزواج من مهند ابن صديقه وهو اتصل بلؤي وقاله لؤي انهم متفهمين وانو هالشي ما رح يغير عليهم

ببيت لؤي وبمكتبه
لؤي طالعين قرون براسه رايح جاي رايح جاي
مهند: بابا رح توقع من طولك ازا ضليت هيك عم تدور اهدا شوي
لؤي : وكيف بدك اهدا اصلا شي متوقع انو البنت ترفض الخطة راحت
مهند: سيما رح تندم على رفضها لي مو انا الي انرفض مو ازا هي بنت السيد راجنات المعروف ترفضني احنا كمان قريبين من مستواهم بس رفضها ثمنه غالي
لؤي : اي مين هي لترفض ابني بس لازم نكون حذرين لاننا بنعرف راجنات ازا عرف شي وحطنا براسه رح يودينا ورا الشمس وخصوصا ازا الموضوع تعلق بحدا من عيلته فالحذر مطلوب ومطلوب كتير
مهند بابتسامة خبث: مو مشكلة خطرت لي فكرة
لؤي : وشو هي
مهند: لا تستعجل يا ابي استنى وشوف






ببيت اهل ابتسام

كانت تتفرج على مسلسل تركي وقاطع مشاهدتها للمسلسل رنة التلفون لقته رقم غريب وسكرت ما ردت ورجعت تشاهد المسلسل بس رجع الموبايل يرن ويرن اخدته معصبة
ابتسام: خير يا طير شو بدكم مين الي معي
المتصل: اوه مبين معصبة بس لا تخافي انا فاعلة خير واتصلت حتى قلك عن شي خطير بيخص حبيبك سامي تراه ما بيحبك وهو الحين قاعد يخونك
ابتسام: الحين مضيعة لي وقتي عشان تقولي لي هالحكي ازا كنتي فاضية وما عندك شي تساويه فقلتي تجي تتسلي بهالكلام معي فروحي يا حبيبتي العبي على غيري بس وقفت شوي بتركيز وقالت
ابتسام : وبعدين كيف عرفتي اسمه
المتصل والي هي بنت: مو مهم كيف المهم الي قلت لك ياه الحين صحيح وانا عندي دليل تعالي الحين بسرعة لمقهى ( ....... ) وشوفي بعيونك والحين باي يا حلوة وسكرت

ابتسام: لا مستحيل الي سمعته يكون صحيح بس هي قالت عندي دليل طيب بروح للمقهى وبشوف واكيد كل الي قالت البنت كذب بكذب لان سامي مستحيل يخوني
اخدت شنطتها وطلعت للمقهى


بس هنيك شافت صدمة عمرها شافت الانسان الي حبته وتخيلت عمرها معاه قاعد مع بنت وحاضنها ويضحكو نزلت الدموع من عيونها مو قادرة تستوعب الي عم تشوفه راحت لعنده ولما شافها كانها تفاجا بشوفتها وقال
: لا ابتسام لا تفهمي الموضوع غ ما كمل كلامه الا وصفعة على وجهه من سيما
ابتسام : يا خسارة عنجد ما توقعت منك هيك يا واطي كيف قدرت تعمل معي هيك واخدت خاتم الخطبة ورمته بوجهه
: خده يا حقير تهنى فيه واعطيه لحبيبتك الي جنبك..... كملت كلامها وراحت وهي تبكي وقلبها متقطع بسبب هالخيانة


بالسوق ولما كانت سيما راجعة من السوق هي ورفيقتها وقفت عليهم سيارة سودا ونزلو منها شخصين لابسين اسود ومقنعين اخدو سيما بوسط صراخها وصراخ رفيقتها طلعوها السيارة غصب واختفو ورفيقتها تصرخ اخدت الموبايل واتصلت بابوها لسيما لتقوله بالي صار لبنته


#2

افتراضي رد: رواية فجاة ينتشر الحب البارت الثامن

اسءلة البارت

عجبكن البارت وشو اكتر مقطع

ميرا وكاران هل من الممكن انهم يستمرو مع بعض وابتسام وخيانة خطيبها الها هل تتجاوزها ولا لا
والاشخاص الي خطفو سيما هل لهم علاقة بلؤي وابنه مهند

اتمنى يكون البارت عجبكن ورح نزل البارت التاسع باسرع وقت ممكن انشاء الله ازا لقيت في تفاعل
#3

افتراضي رد: رواية فجاة ينتشر الحب البارت الثامن

تكملة البارت

عرف راجنات بانو بنته سيما انخطفت بعد ما خبرته رفيقتها الي كانت معها وحكى مع رفيقه الضابط بالشرطة ليساعده بايجاد سيما بس ما حدا لازم يدري يعني ما لازم اي شخص خارج العيلة يعرف انو سيما انخطفت وكمان كلف رجال له انهم يدورو


بقصر عيلة راجنات
كانو الكل مجتمعين بالصالة راجنات صوفيا ليندا اديتيا ميرا دورغا كاران وصديقه ديف وكمان اخ راجنات
كان الجو مليان بالتوتر والحزن وكلن يدعي انو سيما ترجع لهم سالمة وما يصير لها شي
صوفيا كانت منهارة وعم تبكي وجنبها دورغا تهديها وتحاول تخفف عنها وكمان ليندا كانت بس تبكي ومعها ميرا تطمنها وتخفف عنها وهي كمان كانت عم تبكي وخايفة على سيما

راجنات: بدي بس اعرف مين الي تجرا وخطفها والله ليدفع ثمن غالي وغالي كتير
اديتيا: هدي حالك يا راجنات شوي بالاول خلينا نلاقي سيما وبعدها اكيد الخاطف رح نلاقيه ويدفع ثمن عملته
اخو راجنات: اي اديتيا معه حق بالاول نلاقي سيما والخاطف بنلاقيه لو راح لاخر العالم ورح يدفع الثمن غالي

ليندا ببكى : كل هاد ما بيهمني رجعو لي اختي وبس هاد المهم.. وقامت تجري لغرفتها ولحقتها ميرا لتهديها


المسا بمكان بعيد

كان ماشي بثقة وعلى وجهه ابتسامة ثقة وشر وقف قدام وحدة من الغرف وسال الحراس

: فات لعندها حدا
: لا سيدي بس فوتناها لهنيك وربطناها وطلعنا
: منيح افتحو الباب

فات لعندها شافها مربوطة واللصاق على فمها تقدم لعندها وشال اللصاق عنها
: مرحبا يا حلوة
منصدمة: هذا انت انت
: اي انا تفاجاتي بشوفتي صح
صرخت فيه: يا حقير يا واطي انت كيف بتساوي هيك كيف بتتجرا الحمد الله اني ما وافقت عليك يا واطي
: وهذا الي انتي بسببه هون شوفي يا حلوة انا لحد يومنا هاد ما في بنت كان بدي ياها الا وحصلت عليها صحيح في بنات رفضوني بس دفعو الثمن وانتي ذنبك انك رفضتيني ولازم تدفعي الثمن ووقف ورجع خطوة للخلف
: وكما انك رح تفيدي بابا كتير فمن خلالك رح يحصل على شي كتير بيتمن يحصل عليه من ابوكي
سيما: يا خسارة بابا كان عامل ابوك صديق له عنجد يا خسارة فيكم الاثنين بابا اكيد عم يدور علي ورح يلاقيني وانت وابوك رح تدفعو الثمن غالي يا واطيين وقامت تصرخ على امل حدا يسمعها ويجي ينقذها
: ساعدوني بترجاكم ساعدوني حدا عم يسمعني
مهند بضحكة خبث: هههههههه فيك تصرخي لحد الصبح ازا بدك بس ما في حدا رح يجي يساعدك ولهيك فيك تصرخي لحتى تتعبي وكما انو انا رح استمتع بصراخك هههه
: طيب يا خطيبتي الحلوة القعدة معك ما تنمل بس انا لازم روح ضروري الحين بس لا تخافي ما رح خليك لحالك رح ظل مر عليك كل فترة
سيما: الله لا يوفقك . وقامت تدعي عليه وهي تبكي
رجع اللصاق على فمها وطلع للحراس
مهند: ما بدي اي غلطة ازا صار شي ونفذت من بين ايديكم بدفنكم تحت التراب
الحراس: امرك يا سيدي رح نخلي عيوننا مفتحين

طلع من المكان وتوجه لبيته وبس فات لقى ابوه بوجهه

لؤي : برافو عليك
مهند : بابا لا تنسى اني بكون ابنك يعني شو كنت متوقع مني وضحك ضحكة عالية ( يا جعلها ضحكتك الاخيرة )

لؤي : بس المشكلة رجال الشرطة ورجال راجنات عم يدورو عليها بكل مكان وازا لاقوها رح تطيح علينا ورطة كبيرة بتعرف
مهند بثقة: لا تشغل بالك بابا ما رح يلاقوها بس في شي شاغل بالي
لؤي : شو هو
مهند: شو الي رح نعمله مع سيما
لؤي : رح تنقتل
مهند: شو
لؤي : انت بتعرف اني بكره راجنات من زمان وكنت اتمن ساوي شي يدمره ويحرق قلبه واجت لعندي الفرصة ههههههه بس رح استخدم معه تقنية الحرق البطيء
مهند وفوق راسه علامة استفهام❓ : شو قصدك
لؤي : قصدي اني رح احرق قلبه على بنته لمدة وهي مخطوفة وبعد فترة رح تنقتل وهيك بتكمل عليه
مهند: انت داهية عنجد يا ابي
#4

افتراضي رد: رواية فجاة ينتشر الحب البارت الثامن

رووووووووعه يا قلبى
إظهار التوقيع
توقيع : عاشقة الصلاه
#5

افتراضي رد: رواية فجاة ينتشر الحب البارت الثامن

ممكن البارت الاول
إظهار التوقيع
توقيع : البرنسيسة2000
#6

افتراضي رد: رواية فجاة ينتشر الحب البارت الثامن

التكملة
مرو ثلاثة ايام وللحين ما في شي او اي اثر لمكان سيما راح لؤي لبيت راجنات على اساس انه واقف معه وبده يساعده وكانو مصدقينه بس كان مستمتع بشوفتهم بهي الحالة وهنن مع الاسف ما كانو عارفين انو هو وابنه ورا المشكلة الي هنن فيها

: والله حاس حالي رح اجن بنتي مخطوفة اربعة ايام وللحين مو عارفين عنها اي شي
وضرب الحيط بايده وعيونه تشع بالغضب والحقد
: لا بد الاقيها وحتى لو اضطريت اقلب هالكون كله لحتى الاقي بنتي اما الخاطف حسابه معي والله ليدفع الثمن غالي هو تجرا وخطف بنت راجنات
لؤي بخوف وتمثيل حط ايده على كتف راجنات: لا تعمل بحالك هيك يا راجنات سيما بنتك اكيد رح يلاقوها
راجنات: انشاء الله يا لؤي
لؤي بينه وبين نفسه ( يالله يا راجنات لو تعرف اديش انا مبسوط بشوفتك بهي الحالة بس لا تخاف يا راجنات رح تلاقي بنتك شي اكيد بس ما رح تلاقيها الا وهي ميتة وهذا وعد مني الك ههههههه)

كاران بحيرة: بس يا بابا الغريب انه مضى على عملية الخطف اربعة ايام وللحين ما تلقينا اتصال او اي شي من الخاطف اذا يبقى احتمال ثاني وهو انو الخاطف ما بده مصاري هو بس شخص بيكره هالعيلة وبده الاذية لنا ولهيك خطف اختي ليحرق قلوبنا ( ؟ مو مصدقة الي اسمعه انت يا كاران عندك قلب ومحروق كمان ما عم صدق ههههههههه ) المهم اتركونا بالرواية
سام: عمي كاران معه حق بالي قاله حاول تتذكر اشخاص اعداء لك ومن المحتمل انهم يساوو هيك شي بعرف في الك اعداء كتير حاسدينك على هالنجاح الي انت فيه انا قصدي يا عمي شخص معين بتشك فيه هو بالتحديد دون غيره انه ممكن يكون هو ورا هالشي
لؤي بتوتر: سام اترك عمك ولا تضغط عليه وبعدين ازا في كثيرين اله كيف بدك ياه يعرف مين
سام: طيب يا عمي



ببيت اهل ابتسام

كانت قاعدة بغرفتها تبكي وتتحسر على الي صار لها وعلى خيانة الشخص الي حبته وتخيلت معاه الحياة ظلت تبكي بعدين وقع نظرها على صورة تجمعهم سوا اخدتها ومزقتها بقهر وراحت تدور على صورهم سوا وعلى هداياه الي جابهم لها ولمتهم بكيس كبير وراحت رمتهم بالقمامة ورجعت على غرفتها بس كل هالشي ما طفى نار القهر الي جواتها ورجعت تبكي من جديد وتلعن وتسب حظها



بقصر راجنات

بعد وقت مضى وهنن قاعدين رن موبايل سام اخده وطلع بسرعة

سام: الو لقيت شي
المتصل: شكك يا سام كان بمحله
سام: بفهم انك لقيت مكانها
المتصل: اي بعد صعوبة كبيرة رح ابعتلك العنوان الحين بمسج
سام: عنجد بتشكرك كتير على هالمعروف
المتصل: ولو احنا بالخدمة بس لا تتشكرني الا لما تلاقيها
سام: طيب بتشكرك مرة ثانية مع السلامة
اخد العنوان وركب سيارته وراح منطلق للمكان


قد تكوني مهتمة بالمواضيع التالية ايضاً
الموضوع كاتب الموضوع المنتدى
رواية فجاة ينتشر الحب البارت الثالث عشر دنيا الداودي أقلام عدلات الذهبية
رواية فجاة ينتشر الحب البارت الحادي عشر دنيا الداودي أقلام عدلات الذهبية
رواية فجاة ينتشر الحب البارت الثاني عشر دنيا الداودي أقلام عدلات الذهبية
رواية فجاة ينتشر الحب البارت العاشر دنيا الداودي أقلام عدلات الذهبية
رواية فجاة ينتشر الحب البارت الاول دنيا الداودي أقلام عدلات الذهبية


الساعة الآن 02:09 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل