أو

الدخول بواسطة حسابك بمواقع التواصل

#1

افتراضي رواية فجاة ينتشر الحب البارت العاشر

ببيت اهل ابتسام
كانو ابتسام وميرا قاعدين يشربو قهوة ويحكو
ابتسام: لليوم يا ميرا ماني قادرة اصدق انا مصدومة كتير من الي صار ما عاد بدي شي غير اني انسى ويطلع من راسي وما عاد افكر فيه
ميرا بحزن على صديقة عمرها: حبيبتي لا تعملي بحالك هيك وازا مو عارفة شو تعملي ما عليك غير انك توكلي امرك لله وهو رح يساعدك ويبعتلك السعادة انتي بس اتوكلي عليه
ابتسام: ونعم بالله
ميرا وهي تقوم: طيب حبيبتي انا رح روح تاخرت ولا تنسي تجي المسا مثل ما قلت لك طيب
ابتسام: انشاء الله




قبل المسا بشوي ببيت راجنات

صوفيا : الضيوف على وصول ها كلشي جاهز
ميرا: مرت عمي لا تخافي كلشي جاهز انا والبنات جهزنا كلشي والخدم ما قصرو
صوفيا: الله يسلمكم ويخليكم لي
البنات: امين


بعد شوي اجا سام واهله واستقبلوهم استقبال حلو
وقبل ما يدخلو نادى سام على ابوه
خالد ابوه: خير يا ابني
سام: شو بدي قول بابا الصراحة انا بقول انو ما تفاتحوهم بالموضوع لبين ما اشوف راي سيما وابعتلك مسج وقتها فاتح عمي راجنات بالموضوع
خالد: طيب يا ابني

قبل العشا بشوي طلعت سيما شوي لبرا تشم هوا
وراحت قدام المسبح وقعدت بالكراسي وجلست تتامل بالقمر وفجاة سمعت صوت
: بشو شاردة

فزت بخوف وقالت
سيما: هاد انت رعبتني
سام: ما كنت ادري اني اخوف طيب فيني اقعد جنبك
سيما: لا مو مسموح
سام بتوتر شوي: طيب سيما بدي احكي معك بموضوع ضروري
سيما: بسرعة لو سمحت ولا خليني ادخل
سام وهو يبتعد شوي ويقول: الصراحة ما بعرف من وين بدي بلش ويمكن تنصدمي او ما توافقي بس انا رح احكي وطبعا الك القرار
سيما وعلى راسها علامة استفهام: طيب احكي خوفتني
سام التفت الها: سيما وبدون مقدمات تقبلي تتزوجيني
سيما طلعت فوق راسها اكبر علامة استفهام ❓: نعم شو قلت




سام: بعرف استغربتي ويمكن انصدمتي وما خطر هالشي على بالك لان احنا دايما متخانقين بس صدقيني سيما انا كل هاد كنت عم ساويه حتى اخفي حبي الك لان دايما كنت اقول انو ما ممكن يجي يوم وتبادليني المشاعر بس بترجاكي فكري منيح انا الي بدي ياه واتمناه انو تصيري مرتي وام ولادي
سيما منصدمة ومو عارفة شتقول بس كل الي عملته انها مشيت عنه رايحة والتفتت عليه وقالت
سيما: اوكي موافقة .. وراحت طيران للداخل

سام واقف مذهول مو مصدق يعني وافقت وافقت نط وقال
سام: شكرا الك يا ربي شكرا الحمد الك والشكر . بعث لابوه مسج انو سيما وافقت وفيه يفاتح راجنات بالموضوع




بعد العشاء وهنن قاعدين يشربو القهوة حكى خالد

خالد: ما بعرف من وين بدي بلش يا راجنات . وهو يناظر سام ويكمل
خالد: بس انا اليوم جيتك طالب ايد بنتك سيما لابني سام على سنة الله ورسوله
راجنات متفاجؤ : والله انت فاجاتني يا خالد بس سام شب والنعم فيه بشوف راي بنتي وبشوف
راجنات: شو قلتي بنتي ها موافقة
سيما بتوتر وخصوصا انو ابوها سالها قدامهم: الي تشوفوه.. وراحت عنهم طيران

خالد: اذا نقول مبروك مقدما

راح سام وباس ايد راجنات وصوفيا

وهنوهم وباركو لهم
كاران وهو يحضن سام: ههههه الف مبروك يا صديقي رح تصير نسيبي مو مصدق بس لا تفرح رح ظل دايما نكد عليك خخخخخ
سام: فعلا انك نذل بس ما رح رد عليك لاني فرحان

كاران: هههه طيب انا نذل بتشوف ازا ما خليت سيما تفسخ الخطبة لا تنسى انها بتكون اختي

سام: لا وربي ما كنت اقصد اقول نذل كان قصدي اقول انك رايع بس ما بعرف كيف طلعت هيك


وتمت الخطبة بنجاح وفرح الكل بخطبة سيما وسام بس يا ترى هالفرحة رح تدوم


#2

افتراضي رد: رواية فجاة ينتشر الحب البارت العاشر

التكملة
ببيت جديد على الرواية بيت اهل سام
خالد وديانا امه وابوه لسام كانو قاعدين على طاولة الفطور
وبعد شوي نزل سام راح وباس راس امه وابوه
سام: صباح الخير لاحلى اب وام بالكون
ديانا وخالد: صباح الخيرات ابني
سام وهو يجلس بكرسيه : طيب ماما وبابا انتو قلتو انو العرس تحدد بعد ثلاث اشهر طيب ليش مو بعد شهر او على الاقل شهرين
ديانا : هههههههه يا ابني انت شو بك مستعجل وبعدين احمد ربك انه بعد ثلاث اشهر لانهم يا دوب يكفو البنت لتتجهز
خالد: اي امك معها حق يا ابني المهم سيما ما حدا حياخدها غيرك وهي صارت خطيبتك
سام: اي معكم حق هدا الاهم .. وقام راح

خالد: مو مصدق ايمتا اشوفه عريس واشوف احفادي قدامي والعبهم
ديانا: اي معك حق وانا كمان مو مصدقة ايمتا هالشي الله يتمم كلشي على خير
خالد: امين


ببيت راجنات

ليندا: ههههه مو مصدقة انو سيما رح تتزوج
سيما وهي تتخصر: وليش طايحة من عينك ست ليندا
ليندا: مو هدا قصدي قصدي انو ازا انتي وسام اجتمعتو تحت سقف واحد الكرة الأرضية ما رح تتحمل... والتفتت لابوها
ليندا: بابا ازا سام وسيما تزوجو دبر لي على مركبة فضائية لانو بدي روح على كوكب ثاني لان كوكب الأرض ما رح يتحملهم سوا
راجنات: وهو الواحد ينسى شقاوتهم وهنن صغار ومقالبهم والمصايب ههه
سيما: اصلا قولي انك مقهورة لاني رح اتزوج قبلك ورح تضلي لحالك بشلة العزابية
ليندا تلعب بخصلة من شعرها: احلفي اصلا لو بدي اتزوج كنت اتزوجت من زمان بابا في عنده طابور من الخطاب يوميا يخطبوني بس انا دايم ارفض لاني للحين ما لقيت الشخص المناسب
سيما تبي تقهرها: ههههههه بابا انت متاكد انو الخطاب الي يجو يخطبو ليندا مو مصابين بالعمى لان برايي الي خطبوها اما عميين او مجانين او صاير شي لعقلهم ههههه

صوفيا: بدي بس يوم واحد شوفكم مثل الاخوات متفقين وبعدين يا لسانين لا تنسي عرسك تراه بعد ثلاث اشهر بالعربي لازم تبلشي تجهزي من الحين عشان يكفيك الوقت

سيما: انا يا امي تقولي لي ام لسانين بدال ما تفرحي لبنتك انها رح تصير عروس تقولي لها هيك وتزعليها انتو ما بتحبوني ولا تهتمو فيني

راجنات يفتح ايديه: يا بعد هالكون تعالي لعند ابوك
سيما راحت لعند ابوها
سيما : موتو قهر بابا بيحبني وهالشي مكفيني
صوفيا: رح تصيري عروس ولساتك مثل الاطفال
ليندا: لازم نطلق عليها لقب العروس الصغيرة ههههههه
سيما وهي تقوم: الله يشوفني فيك بيوم يا ليندا وتاكدي بوقتها رح اقهرك واحرجك واطلع الشيب من راسك.... وطلعت عنهم لغرفتها

ليندا: ههههههه هالبطة مو متخيلة انها بعد ثلاث اشهر رح تروح عني طيب مع مين رح اتخانق والله بحبها كتير خليني روح راضيها


ببيت ميرا وكاران
كانت بالمطبخ تجهز لها قهوة حست بحدا فات للمطبخ التفتت لقته كاران

فات بدون ما يعطيها اهمية اخد له كاس عصير من الثلاجة وشربه وطلع مثل ما فات بدون ما يعطيها اي اهمية

ميرا: مو مهم اهم شي انه ما عاد عم يضربني بس يا ربي لايمتا هالحال ما اقول غير الله يصبرني .. واخدت قهوتها ونزلت


ببيت اهل ابتسام
جالسة تقرا مقالة بالنت
اندق الباب

ابتسام: مين
: انا يا انسة ابتسام

ابتسام: فوتي
فاتت الخادمة وقالت

الخادمة: انسة ابتسام في حدا اجا بدو يشوفك
ابتسام: مين
الخادمة: ما بقدر قول هو وصاني
ابتسام باستغراب: طيب دقيقة ونازلة... لبست اول شي صادفها بالخزانة ونزلت لصالون الاستقبال وهنيك شافت اخر شخص ممكن تتمنى انها تشوفه
ابتسام بصدمة: انت شو جاي تعمل هون يلا برا لك عين تجي بعد الي ساويته.. وقامت رايحة عنه بس مسك ايدها وقال
: مو على كيفك تروحي اسمعي الشي الي بدي قوله وبعدين فيك تمشي

يا ترى مين هالشخص. هاد رح نعرفه بالبارت الحادي عشر


قد تكوني مهتمة بالمواضيع التالية ايضاً
الموضوع كاتب الموضوع المنتدى
رواية فجاة ينتشر الحب البارت الرابع عشر دنيا الداودي أقلام عدلات الذهبية
رواية فجاة ينتشر الحب البارت الثالث عشر دنيا الداودي أقلام عدلات الذهبية
رواية فجاة ينتشر الحب البارت الحادي عشر دنيا الداودي أقلام عدلات الذهبية
رواية فجاة ينتشر الحب البارت الثاني عشر دنيا الداودي أقلام عدلات الذهبية
رواية فجاة ينتشر الحب البارت الاول دنيا الداودي أقلام عدلات الذهبية


الساعة الآن 01:42 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل