أو

الدخول بواسطة حسابك بمواقع التواصل

#1

افتراضي رواية فجاة ينتشر الحب البارت التاسع

: روحو وراه وخدو الحذر كتير منيح
: لا تخاف حطينا جهاز تعقب بالسيارة ونحنا عارفين شغلنا كتير منيح
: طيب يلا وانا كمان لاحقكم
: يلا


بمكان بعيد كتير كان داخل بحذر يدور لمكان سيما كان يضرب الحراس الي يطلعو بوجهه وقدر يتخطاهم وكان يحاول يتخطاهم بهدوء بدون ما ينتبهو له البقية لان كان في حراس كتير وازا هجمو سوا يا لطيف
وصل لغرفة كان قدامها ثلاث حراس تخبى ورا الجدار وسمع
: رح روح للحمام ( وانتو بكرامة ) ثواني وراجع عيونكم ما بدي ياهم يرمشو لحظة خليهم مفتحين منيح وراح
: هههههههه هو اصلا ليش موقفنا هون مو البنت مربوطة وما تقدر تهرب وما في اي شي بيساعدها على الهرب
: يا غبي خليك ساكت احنا هون لننفذ الاوامر لهيك اسكت وخليك سا ما كمل كلامه الا وضربتين على روسهم افقدتهم الوعي

فات للغرفة وشافها مربوطة وعلى فمها لصاق وتبكي فات لعندها بسرعة وبلش يفك عنها الحبل ويشيل اللصاق
: سيما حبيبتي كيفك عم تتوجعي اذوك بشي
ضمته بسرعة وقالت
سيما: لا الحمد الله للحين ما اذوني سام بترجاك خدني من هون والله رح موت من الرعب بترجاك طلعني
سام: لا تخافي حبيبتي انا هون ورح اخدك من هالمكان

ساعدها توقف ومسك ايدها وطلعو بحذر بس مع الاسف سام اخترقت رصاصة كتفه شهقت سيما وصرخت برعب

وكان الي اطلق الرصاصة مهند ومعه الحارس الي راح قبل شوي تقدم لعندهم وقال
مهند: شي رائع فعلا البطل اجا ينقذ حبيبته من الشرير هههههه كل الافلام كان البطل فيهم يجي ينقذ حبيبته من الاشرار وفعلا ينجح بهالشي وكمان غير انه ينقذ حبيبته كان يقضي عليهم بس فيلمكم انتو وانا رح يكون مختلف شوي بحيث انك انت ما رح تقدر لا تنقذ حبيبتك ولا تقضي عالشرير الي هو انا ههههههه بتعرف انا كنت رح اقتلها هي فقط بس بما انك اجيت رح اقتلكم ثنينكم وهيك على الاقل بما انك ما قدرت تنقذها بتموت معها وش رايكم بفكرتي ههههههه
سام بالم من وجع كتفه: صدقني هالشي رح تدفع ثمنه كتير غالي يا مهند

مهند وهو يفكر❓ : كيف مثلا بعد ما تموتو رح ترجعو على هيءة اشباح لتنتقمو مني ههههههه عنجد خوفتوني الحين خلص وقت الفيلم وصار وقت النهاية بس حابب اسالكم مين منكم حاب يموت بالاول

سيما كانت عم ترتجف وخايفة وتدعي لله ينقذهم وسام كان واقف قدامها وعم يحميها
مهند: بفهم انك حاب تموت انت بالاول طيب مو مشكلة ورفع المسدس بوجه سام وكان رح يضغط الزناد بس بلحظة لقى رجال الشرطة فايتين ومعهم راجنات واديتيا وكاران وديف بعد ما خبرهم رفيق سام بالمكان اما البنات وامهاتهم ظلو بالقصر ينتظرو خبر
: انت هلاء محاصر ننصحك تنزل سلاحك وتجي معنا بدون ضجة

حارس مهند بحركة سريعة جر سيما لعنده وحط المسدس على راسها وقال
: رح تتركوني انا وسيدي نطلع من هون والا الرهينة بتموت شو قلتو
مهند: هههههه طالع علي بالافكار واخد منه سيما وقال
مهند: هههههه يلا حلوين نزلو اسلحتكم واتركونا نطلع
وكان يحاول يطلع من المكان وهو حاط المسدس على راس سيما والكل ما كانو قادرين يسوو اي شي لانهم بحركة ممكن يطلق النار على سيما بس ما درو الا والمسدس طايح عالارس بسبب ضربة تلقاها مهند من ورا وكانت من رفيق سام اخد منه المسدس والشرطة اخدو معهم مهند وراحو

سيما راحت طيران لعند ابوها وحضنها
سيما: بابا كنت رح موت من الرعب
راجنات: لا تخافي بنتي الحمد الله الي عدت على خير والتفت للضابط
راجنان: شكرا الك سيد ادي على المساعدة




ادي: ولو يا سيد راجنات هذا واجبنا بس فيك تقول انو الي ساهم بشكل كبير فانقاذ بنتك هو السيد سام ... وراح
راجنات انتبه لكتف سام والجرح العميق الي مبين وراح لعنده
راجنات: ابني سام انت منيح لازم تروح عالمستشفى جرحك مبين خطير
سام: لا عمي جرح بسيط لا تقلق علي
راجنات: عن اي جرح بسيط عم تحكي لك هالجرح مبين خطير لازم تروح عالمستشفى بسرعة وبعدين ما بعرف يا ابني كيف بدي اتشكرك على الي ساويته من شان بنتي الله يجازيك خير
سام وهو يناظر سيما بعدين راجنات: عمي ما ساويت الا الواجب


رجعو عالبيت بالسلامة الحمد الله وسام راح المستشفى اما بالنسبة للؤي مسكته الشرطة وهو رايح للمطار بعد اعتراف مهند انو مشترك معاه بكل الجرايم


وتخطو هالمشكلة الكبيرة بس يا ترى رح تكون هي هي المشكلة الوحيدة ولا في مشاكل لسة اكبر كل هاد بالبارتات الجاية


#2

افتراضي رد: رواية فجاة ينتشر الحب البارت التاسع

هههه واخيرا تكرمتي ونزلتيه منتظرينك هههه
إظهار التوقيع
توقيع : البرنسيسة2000
#3

افتراضي رد: رواية فجاة ينتشر الحب البارت التاسع

رد: رواية فجاة ينتشر الحب البارت التاسع
#4

افتراضي رد: رواية فجاة ينتشر الحب البارت التاسع

التكملة


بعد شهر وببيت راجنات عطاولة الفطور

راجنات: سام صار له طالع من المستشفى يومين واليوم احنا لازم نعمل عزيمة كبيرة ونعزمه هو واهله
صوفيا: اي والله هالولد ما في منه وشو ما عملنا ما رح نكافيه هو انقذ بنتنا
ليندا وبقصد انها تحرج سيما: الصراحة يا امي ما عم افهم هنن من صغرهم دايم متخانقين ولحد اليوم بس ليش سام خاطر بحياته وانصاب كرمال ينقذها ليكون يحبها واحنا ما ندري بس يا ليت هالشي هنن لايقين على بعضهم
راجنات: معك حق يا بنتي ليندا لايقين على بعض ويجننو ( ونعم الاب)
سيما بينها وبين نفسها بدها تمسك ليندا وتخنقها على هالسخافات.. قامت ووقفت
سيما: عن اذنكم شبعت. وراحت لغرفتها
ليندا: ههههههههه سيما تخجل مو معقول
صوفيا: مفكرتيها مثلك يا قليلة الحيا
ليندا بزعل : انا قليلة حيا يا امي ما توقعتها منك الله يسامحك يا امي.. وراحت
صوفيا: هههههههه زعل التماسيح هاد مشيه على غيري
راجنات: اي معك حق . وقام وقال
راجنات: المهم ما اوصيكم بدي العزيمة تكون شي شكل
صوفيا وميرا: ولا يهمك كلشي رح يكون تمام التمام مثل ما بدك ياه

(ميرا وكاران هالايام ساكنين ببيت راجنات بس كاران ما عاد يعمل شي لميرا مثلا انه يضربها او اي شي صار يحس تجاهها باحساس غريب اول مرة بحياته يحس بيه لكن حاول وعمل المستحيل ليطرد عنو هالاحساس وعم يتجنبها قد ما يقدر لكن لايمتا رح يتهرب من هالاحساس وهل رح يصير شي بينهم وكاران يتغير كل هاد رح نعرفه بالبارتات الجاية )


قد تكوني مهتمة بالمواضيع التالية ايضاً
الموضوع كاتب الموضوع المنتدى
رواية فجاة ينتشر الحب البارت الثالث عشر دنيا الداودي أقلام عدلات الذهبية
رواية فجاة ينتشر الحب البارت الحادي عشر دنيا الداودي أقلام عدلات الذهبية
رواية فجاة ينتشر الحب البارت الثاني عشر دنيا الداودي أقلام عدلات الذهبية
رواية فجاة ينتشر الحب البارت العاشر دنيا الداودي أقلام عدلات الذهبية
رواية فجاة ينتشر الحب البارت الاول دنيا الداودي أقلام عدلات الذهبية


الساعة الآن 01:04 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل