السلام عليكم ورحمة الله وبركاته
نكمل يابنات وعشان اللي متبعش
البارت الثالث عشر
بعد مرور ثلاث اشهر رجعو عيلة اديتيا لبيتهم
وبفيلتهم عالصبح
دورغا : ليش ما فطرت اديتيا رح تروح جوعان
اديتيا وهو يشرب فنجان قهوة ويقوم : عندي اليوم قضية مهمة وما لازم اتاخر
دورغا وهي تقوم معه للباب : مع السلامة حبيبي
اديتيا : خليتكم على خير ... وراح للمحكمة
دورغا بعد ما راح : الله يوفقك وتكسب القضية .... وفجاة تذكرت شيء
دورغا : لازم روح للميتم واخد اغراض معي للولاد صار لي زمان ما رحت لهم
وراحت غيرت لبسها وراحت للسوبر ماركت مع السواق عشان تشتري اغراض للولاد
ببيت سام وسيما
كانت تركض وراه
سيما : سام بليز رجعه لي ما تكون شرير ( كانت تحكي عن موبايلها الي اخده منها سام واختها كانت تتصل فيها بس ما قدرت ترد عليها لان سام كان ماسكه)
سام وهو يركض : تستاهلي مين قلك تكبي علي مي بارد على وش الصبح
سيما : توبة ما رح عيدها
سام قرب لها : اوكي خديه
سيما قربت لتاخده بس سام رفع ايده لفوق
سام : ورجيني شطارتك يا قصيرة
سيما شوي وتبكي: انا مو قصيرة بس انت الي طويل كتير
سام استغرب وحظنها وقال : بعتذر يا طفلتي الصغيرة .. مسح دموعها ومد لها موبايلها وقال : خديه
سيما بعد ما اخدته بعدت شوي ومدت لسانها وقالت : خدعتك يا ذكي.. وطلعت
سام وهو يضحك : ما كنت بعرف انو زوجتي مخادعة بس بسيطة حبيبتي مردودة وعدل جاكيته وطلع لبرا وهو يضحك
هي هي ببساطة حياتهم عايشين كانهم اطفال صغار عم يتخانقو كل يوم وكل واحد يعمل مقالب للثاني بس عايشين بحب بينهم وكل واحد منهم ما بيقدر بلا الثاني
***- ***- ***- *
ببيت ثاني جديد
: طيب لايمتا رح تظلي هيك
: ما بعرف جولي بس لازم رجعه لي
جولي : خلص شو بدك فيه شوفي حياتك بعيد عنه هو ما بيحبك
رند : لا كاران الي صح من قبل اخدته مني هديك الي اسمها ميرا بس هي ماتت وهلا الجو فضي لي انا ورح اكسبه وبتشوفي
جولي وهي تقوم : استغفر الله يا اخي على الاقل احترميها هي تراها ميتة حرام عليك
رند وبلشت تعصب : تعرفي الذنب ذنبي لاني عم احكي معك
جولي وهي متعودة على رفيقتها : انا رايحة....
رند : اي روحي
***- ***- ***- *
بشركة السيد راجنات
بمكتبه كان يقلب بعض الملفات ويدقق فيهم خلصهم وحطهم بمكانهم
سند راسه على كرسيه وغمض عيونه ما نام البارح لانه كان في عنده شغل واضطر يسهر حتى يكمله صح ما كان ضروري كتير وقله ابوه ما في داعي كتير بس هو اصر يكمله غمض عيونه وفجاة مر عليه طيفها فتح عيونه وقال
كاران : خلص انتهى كل شيء غريبة هالدنيا لما كانت قدامي ما اهتميت فيها هه بالعكس كنت عم عذبها وهينها واضربها وهي ساكتة بس لما راحت من بين ايديني وقتها حبيتها اي خلص هي حقيقة ادركتها وغصبا عني حبها تمكن من قلبي قلب كاران القاسي حب بسببها هي كاران تغير بسببها هي بس بعد شو بعد ما راحت مني ههه فعلا الانسان ما بيعرف قيمة الشي الا لما يفقده وهي ما كانت اي شيء هي شيء غالي كتير بس بستاهل بستاهل هاد عقابي اني حبها بس هي مو معي بستاهل. حس بدموعه نزلو مسحهم بسرعة وقال تفضل لانه سمع حدا عم يدق الباب
دخل ابوه
راجنات : كيفك ابني
كاران وهو يوقف : منيح ابي
راجنات بحنية : ابني شو بك احسك تعبان
كاران : لا ابدا يا ابي ما بني شيء ابدا بس تعرف البارح سهرت على هدول الملفات جهزهم بس مو مشكلة ابي
راجنات وهو شاك بس قال : اها طيب ابني حبيت خبرك الشركة الي عندنا باميركا بيها بعض المشاكل فيك تروح لهنيك لحتى تشوف الوضع
كاران : اكيد بابا رح روح
راجنات قام : طيب ابني روح ارتاح لك شوي وخلي عنك الشغل عشان تسافر بكرا
كاران : اوكي بابا
وهاد هو كاران تغير بهالفترة الي مضت ترك عنه كل قصص البنات وما عاد لا يطلع معهم ولا
يراسلهم او يحكي معهم وصار يشتغل مع ابوه وهاد الشي الي استغربوه منه الكل لانه ما يحب الشغل ابدا بس فرحو لانه تغير وصار هيك
وهون خلص البارت بتمنى عجبكم بعرف انه قصير
بس هاد لاني هالفترة مشغولة
خليتكم على خير يا عدولات الحلوات
في امان الله
رواية فجاة ينتشر الحب البارت الرابع عشر
قد تكوني مهتمة بالمواضيع التالية ايضاً